البنت تلقى عزها عند ابوها ..وان مات ابوها ..}

البنت تلقى عزها عند ابوها

وان مات ابوها عزها وين تلقاه

ياحزنها من بعد مازوجوها

ماسرها من تعرف الغدر يمناه

قفوا وفي حضن التعاسه رموها

من بعد ابوها مالها شخص تنخاه

ومن بعد ابوها كلهم نوخوها

وامست تجر الصوت من حر فرقاه


ماتت وهي في ثوبها شرعوها

واللي بقي معها حنانه وذكراه

مافادها في موقف الحزن اخوها

ومافادها من كانت الروح تهواه

ياليتهم وسط القبر لملموها

ولا تعيش الهم مع شخص تشناه