( ذكرتك مع شروق الشمس واسراب الحمام تدور )

ذكرتك في تفاصيل الزمان اللي مضى ميـــسور

ذكرتك وابتــدى حــــزني يلمـــــلم اخر اوجــــاعه



ذكرتـك في زوايــــا منـــزل ظم الغـــلا مشـــــكور

ذكرتك وانفضح دمع العيــــون وجـــــــــات مرتاعه



ذكرتك مع شروق الشمس واسراب الحمام تدور

ذكرتك والشــــــتاء كله دفــــــا وقلــــــوب ملتاعه



ذكرتك في هذيك الضحــكه اللي ترتســـم وتثور

ذكرتك في خطــــــاوي لعبــــنا واحــــلام جماعه



ذكرتك ريحـــــة جــــدار الوفا اللي مابقى له دور

بقى صــــــامد على مر الزمــــــان وقلة اوضـاعه



ذكرتك في حكـاوي ليلنا اللي مكتسيه النــــور

ذكرتـــك والقمر كــــنه عليـــــك يغار بطبــــــاعه



ذكرتك طفـلة ترسم خطــــــاويها هنــــا وسرور

ذكرتك عــــــــالم قفى معـــــاه الصدق واتباعه



ذكرتك او انا اللي ماســعفني حظي المعثـور

ذكرتك واثرها الدنيــــــا عليـــــها ايام خـــداعه



ذكرتــــــك ليـــــه ماادري ولكـن الليــــــال تدور

ذكرتك وانحنى بيت القصيــد وجيت باوجـــاعه